AZƏRBAYCAN İNKİŞAF SƏVİYYƏSİNİ QORUMAQDADIR
Birləşmiş Millətlər Təşkilatının (BMT) İnkişaf Proqramı çərçivəsində aparılan araşdırmalara görə, Azərbaycanda insan potensialının inkişafı indeksi sabitdir. Dövlətlərin inkişaf mərhələsi üç göstərici - təhsilin səviyyəsi, gözlənilən uzunömürlülük və adambaşına düşən ümumi daxili məhsulun həcminin indeksləri ilə müəyyənləşdirilir.
Milli Məclisin elm və təhsil məsələləri daimi komissiyasının sədri Şahlar Əsgərov AZƏRTAC-ın müxbirinə demişdir ki, həmin proqramda 173 dövlətin inkişafı ardıcıl olaraq göstərilir. Azərbaycandan fərqli olaraq, Ermənistan və Gürcüstan dövlətlərində insan potensialının inkişafı indeksində xeyli geriləmə vardır. Belə ki, 2002-ci ilin göstəricilərində 79-cu yerdə olan Ermənistan bu ilki hesabatda 100-cü yerə geriləmişdir. Gürcüstan isə 2002-ci ildə 81-ci yerdə olduğu halda, ötən il 88-ci yeri tutmuşdur.
Bölmənin digər xəbərləri
