AZƏRBAYCAN KARATEÇİLƏRİ BEYNƏLXALQ TURNİRDƏ 3 MEDAL QAZANMIŞLAR
AZƏRTAC xəbər verir ki, İstanbulda keçirilən karate üzrə 21-ci beynəlxalq “Bosfor” turnirinə yekun vurulmuşdur.
Yarışda iştirak edən Azərbaycanın 24 kişi və qadın idmançısı şəxsi və komanda yarışlarında inamlı mübarizə apararaq vətənə medallarla qayıtmışlar. Şəxsi kumite yarışlarında Amal Atayev (80 kq) gümüş, Niyazi Əliyev (65 kq) isə bürünc medal qazanmışlar. Şəxsi kata mübarizəsində Elçin Məmmədov da bürünc medala sahib çıxmışdır. Komanda kata stilinə gəldikdə, oğlanlardan ibarət yığmamız ikinci, qadın millimiz isə üçüncü yerlə kifayətlənməli olmuşlar.
On dörd ölkədən 213 idmançının qatıldığı “Bosfor” turniri Azərbaycan karateçiləri üçün 2-4 mayda Tallin şəhərində keçiriləcək Avropa çempionatına hazırlıq xarakteri daşımışdır.
Bölmənin digər xəbərləri
