AZƏRBAYCAN LONDONDA BEYNƏLXALQ TURİZM SƏRGİSİNDƏ TƏMSİL OLUNACAQDIR
Azərbaycan yaxın günlərdə Londonda keçiriləcək nüfuzlu “World Travel Market” beynəlxalq turizm sərgisində ilk dəfə olaraq iştirak edəcəkdir. Sərgidə Azərbaycanın müxtəlif turizm şirkətlərinin informasiya materialları təqdim olunacaqdır. Diaspor nümayəndələrinin də iştirak edəcəyi təqdimatda gənclər, idman və turizm naziri çıxış edəcəkdir. Nazir Əbülfəz Qarayev bu barədə jurnalistlərə xəbər verərək bildirmişdir ki, hazırda nazirliyin mütəxəssisləri Xızı, Quba, Qusar rayonlarında, eləcə də Bakı şəhərində orta təminatlı insanların istirahəti üçün nəzərdə tutulan turizm obyektlərinin tikintisinə dair 8 layihə hazırlamışlar. Onların tikintisinə 10-100 min dollar həcmində kredit ayırmaq nəzərdə tutulmuşdur. Bu kredit bu yaxınlarda ölkə Prezidentinin Fərmanı ilə yaradılmış Sahibkarlığa Kömək Milli Fondunun vəsaitindən ayrılacaqdır.
Bölmənin digər xəbərləri
