AZƏRBAYCAN MƏŞQÇİSİ TÜRKİYƏLİ GİMNASTLARA MƏŞQ KEÇƏCƏKDİR

13.03.2006 [22:38]
Çap et
A⁺ A^-

Ankaranın “Yeni şehir” idman klubu Bakı Gimnastika Məktəbinin məşqçisi İradə Əliyeva ilə ilkin müqavilə bağlamışdır. Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, müqaviləyə əsasən, o, bir ay ərzində türkiyəli idmançı qızlara bədii gimnastikanın sirlərini öyrədəcəkdir. Qeyd edək ki, 1951-ci ildə yaradılmış bu klubda gimnastika ən perspektivli idman növlərinə aiddir.

Bakıda isə qrup hərəkətlərində Azərbaycan komandasının təlim-məşq toplantısı davam edir. Komandaya Vəfa Hüseynova, Samirə Əliyeva, Sabina Alxazova, Anna Bitiyeva, Dina Qorina, Valeriya Yeqay, Alina Tryopina və Anastasiya Prasolova daxildirlər. Məşqçilər Natalya Dmitrova və Natalya Nərimanovanın keçirdikləri toplantı yığmamızın martın sonlarında Fransada və aprelin əvvəllərində Rusiyada keçiriləcək iri beynəlxalq turnirlərdə iştirakına həsr olunmuşdur.

İkihəftəlik toplantıda iştirak etmək üçün ölkəmizin üç gənc gimnastı – Zeynəb Cavadlı, Nigar Mirzəyeva və Leyla Şamilova da Bakıya gəlmişlər. Yığma komandanın məşqçiləri qızların ustalığı ilə tanış olduqdan sonra Portuqaliyada keçiriləcək Avropa çempionatına hazırlaşan milli komandamızın gənclərdən ibarət heyətinin tərkibinə daxil edəcəklər.

AZƏRBAYCAN MƏŞQÇİSİ TÜRKİYƏLİ GİMNASTLARA MƏŞQ KEÇƏCƏKDİR

MÜƏLLİFLƏ ƏLAQƏ

Bölmənin digər xəbərləri