Azərbaycan millisi Super Liqa təmsilçisinə məğlub olub
Bakı, 8 aprel, AZƏRTAC
Ankarada təlim-məşq toplanışını davam etdirən kişi basketbolçulardan ibarət Azərbaycan yığması növbəti yoxlama oyununu keçirib.
AZƏRTAC xəbər verir ki, milli komandamız Super Liqa təmsilçisi “Afyon HDİ” klubu ilə üz-üzə gəlib. Yığmamız bu görüşdə 77:79 hesabı ilə məğlub olub.
Azərbaycan millisinin heyətində Zaur Paşayev və Endar Poladxanlı hərəyə 18, Amil Həmzəyev isə 17 xal toplamağı bacarıb.
Xatırladaq ki, komandamız bundan əvvəlki yoxlama matçında Türkiyənin köklü komandalarından sayılan “Türk Telekom”un U-20 basketbolçularına 64:62 hesabı ilə qalib gəlmişdi.
Bölmənin digər xəbərləri
