Azərbaycan NATO PA-nın sessiyasında təmsil olunur
Bakı, 21 noyabr, AZƏRTAC
Azərbaycan nümayəndə heyəti NATO Parlament Assambleyasının 68-ci sessiyasında iştirak edir.
Bu barədə AZƏRTAC-a Azərbaycanın NATO yanındakı nümayəndəliyindən məlumat verilib.
Qeyd olunub ki, İspaniyanın paytaxtı Madrid şəhərində işə başlayan NATO Parlament Assambleyasının (PA) 68-ci sessiyasında alyansa üzv olan 30 ölkənin, eləcə də tərəfdaş dövlətlərin nümayəndələri iştirak edir.
Tədbir çərçivəsində Ukraynada vəziyyət, iyunun 28-30-da Madriddə keçirilmiş NATO Zirvə toplantısında qəbul edilən yeni strateji konsepsiyası, NATO-nun müdafiə və çəkindirmə siyasəti, kibertəhlükəsizlik, enerji təhlükəsizliyi, iqlim dəyişikliyi kimi mövzular müzakirə olunur.
Sessiyada NATO Baş katibi Yens Stoltenberqin çıxışı nəzərdə tutulur.
Tədbirdə Azərbaycanın NATO yanında nümayəndəliyinin və Milli Məclisin nümayəndələri iştirak edirlər.
Bölmənin digər xəbərləri
