Azərbaycan nümayəndə heyəti Suveren Fondların Beynəlxalq Forumunun iclasında iştirak edir
Bakı, 11 may (AZƏRTAC). Mayın 11-də Çin Xalq Respublikasının paytaxtı Pekin şəhərində Suveren Fondların Beynəlxalq Forumunun (SFBF) üçüncü iclası işə başlamışdır.
Mayın 13-dək davam edəcək iclasda Azərbaycan Respublikası Dövlət Neft Fondunun (ARDNF) icraçı direktoru Şahmar Mövsümovun başçılıq etdiyi nümayəndə heyəti iştirak edir.
ARDNF-dən AZƏRTAC-a bildirmişlər ki, SFBF Suveren Fondların beynəlxalq işçi qrupunun 2009-cu il aprelin 5-6-da Əl-Küveyt şəhərində keçirilmiş iclasında yaradılmışdır və ilk rəsmi iclasını oktyabrın 8-9-da Bakıda keçirmişdir. Könüllü qrup olan SFBF-in əsas məqsədi Suveren Fondların ümumi maraqlarına dair məsələlər ətrafında fikir mübadiləsi aparmaq, Santyaqo prinsipləri və Suveren Fondların fəaliyyətlərinin anlaşılmasını asanlaşdırmaqdır.
Bölmənin digər xəbərləri
