AZƏRBAYCAN PƏHLƏVANI FİNALA VƏSİQƏ QAZANMIŞDIR
İstanbulda keçirilən güləs uzrə gənclər arasında dünya çempionatının ilk günündə mübarizəyə yunan-Roma güləşçiləri qatılmışlar.
Azərbaycan Güləş Federasiyasından AZƏRTAC-a bildirmişlər ki, yığma komandamızın üzvü Xurşud Babaşov (50 kq) keçirdiyi iki görüşü uğurla başa vursa da yarımfinala vəsiqə qazana bilməmişdir. Lakin onun rəqibi Qırğızıstan idmançısı Qənibəy Yolçubəyov finaladək irəlilədiyindən həmvətənimiz bürünc medal qazanmaq şansı verən təsəlliverici görüşlərdə iştirak edə biləcəkdir.
Digər idmançımız Hacıxan Mustafayev (60 kq) isə ilk qarşılaşmanı məğlubiyyətlə başa vursa da onun rəqibi finaladək irəlilədiyindən, güləşçimiz təsəlliverici görüşlərə qatılmaq imkanı əldə etmişdir.
74 kiloqram çəki dərəcəsində ölkəmizi təmsil edən Elvin Mürsəliyev Cənubi Koreya, Hindistan, Özbəkistan və Qazaxıstan təmsilçilərinə qalib gələrək finala vəsiqə qazanmışdır.
Səməd Cəbrayılov (96 kq) isə ilk görüşü qələbə ilə başa vursa da ikinci qarşılaşmada məğlub olmuşdur. Onun rəqibi finaladək irəliləyə bilmədiyindən, güləşçimiz təsəlliverici görüşlərə qatıla bilməyəcəkdir.
Bölmənin digər xəbərləri
