Azərbaycan Premyer Liqasının növbəti turunda liderlər üz-üzə gələcək
Bakı, 4 oktyabr, AZƏRTAC
Oktyabrın 4-də futbol üzrə Azərbaycan Premyer Liqasının VII turu çərçivəsində daha üç oyun keçiriləcək.
Bu turda “İnter”-“Qarabağ” görüşü daha çox maraq doğurur. Belə ki, hər iki komanda liderlər sırasındadır. “Qarabağ” hazırda 14 xalla ikinci, “İnter” isə 13 xalla üçüncü yeri tutur. Qarşılaşma saat 19:00-da “İnter arena”da başlayacaq.
Turnir cədvəlinin dördüncü pilləsində qərarlaşan “Qəbələ” klubu öz meydançasında “Xəzər Lənkəran” komandasını qəbul edəcək. Oyun saat 21:00-da Qəbələ şəhər stadionunda start götürəcək.
Çempionatın debütantı “Zirə” komandasının “Neftçi”yə 2:0 hesabı ilə qalib gəlməsi turun sensasiyası sayıla bilər. Bu qələbə sayəsində xallarının sayını 15-ə çatdıran “Zirə” turnir cədvəlinin birinci pilləsinə yüksəlib.
Bölmənin digər xəbərləri
