AZƏRBAYCAN PREMYER LİQASININ PÜŞKATMA MƏRASİMİ KEÇİRİLMİŞDİR
AZƏRTAC xəbər verir ki, iyulun 30-da AFFA-nın inzibati binasında 2008-2009-cu il futbol mövsümü üçün Azərbaycan Premyer Liqasının püşkatma mərasimi keçirilmişdir.
Püşkatma mərasimində sayca 17-ci ölkə çempionatında mübarizə aparacaq 14 klubun nümayəndəsi iştirak etmişdir.
Tədbirdə AFFA-nın baş katibi Elxan Məmmədov və Peşəkar Futbol Liqasının prezidenti Ramin Musayev çıxış edərək bütün iştirakçılara uğurlar arzulamışlar.
Bildirilmişdir ki, bu il Premyer Liqa çərçivəsində keçiriləcək oyunları idarə edəcək hakimlərin düzgün qərar qəbul etməsi üçün bir çox tədbirlər görülmüşdür. Görüşlərin yüksək səviyyədə keçirilməsi diqqət mərkəzində saxlanılacaqdır.
Püşkatmaya görə 9-10 avqusta təsadüf edəcək ilk turda “Karvan” (Yevlax)-“Xəzər-Lənkəran” (Lənkəran), “Bakılı” (Bakı)-“Qarabağ” (Ağdam), “Olimpik” (Bakı)-“İnter” (Bakı), “Standard” (Bakı)-“Neftçi” (Bakı), “Bakı” (Bakı)-MOİK (Bakı), “Qəbələ” (Qəbələ)-NBC (Salyan) və “Simurq” (Zaqatala)-“Turan” (Tovuz) görüşləri keciriləcəkdi.
Bölmənin digər xəbərləri
