AZƏRBAYCAN-QAZAXISTAN İŞGÜZAR KLUBU YARADILIR
Klubun Təşkilat komitəsindən AZƏRTAC-a bildirmişlər ki, layihə həm rəsmi dövlət qurumları, həm də “buziness to buziness”lə hərtərəfli informasiya dialoqunu yoluna qoymaq məqsədi ilə Azərbaycan və Qazaxıstan ərazilərində fəaliyyət göstərən, yaxud belə niyyəti olan şirkətlərin biznes birliklərinin yaradılmasını nəzərdə tutur. Layihə sabit informasiya məkanının formalaşdırılmasına kömək göstərəcəkdir. Bundan məqsəd iqtisadiyyatın həm neft, həm də qeyri-neft sahələrində sərmayə layihələri həyata keçirmək, sahibkarların fəaliyyət coğrafiyasını genişləndirmək, Azərbaycanın və Qazaxıstanın qeyri-neft bölməsini inkişaf etdirmək, o cümlədən innovasiya texnologiyalarını tətbiq etməkdir.
Layihəni XİİK-in bazasında gerçəkləşdirmək nəzərdə tutulur. Təxminən 200 şirkət və “Caspian enerqy” Beynəlxalq Nəşriyyat Evi klubun üzvüdür. XİİK-in prezidenti və baş icraçı direktoru Telman Əliyev AQİK-in rəhbəri və baş icraçı direktoru təyin olunmuşdur.
Bölmənin digər xəbərləri
