AZƏRBAYCAN RESPUBLİKASININ BAŞ NAZİRİ ZATİ-ALİLƏRİ CƏNAB İLHAM ƏLİYEVƏ
Azərbaycan Respublikasının Prezidenti seçilməyiniz münasibətilə Rusiya Federasiyasının Mədəniyyət Nazirliyindən ən səmimi, ən xoş təbrikləri qəbul edin. Dinc yanaşı yaşamaq və mehriban qonşuluq prinsipi Azərbaycanın həmişə dövlət siyasəti olmuşdur və bu, dostluq, əməkdaşlıq və mədəni mübadilə üçün açıq olan sülhsevər Azərbaycan xalqının ruhuna və ənənələrinə tam dolğunluğu ilə uyğun olmuşdur və uyğundur.
Ümidvaram ki, Rusiya ilə Azərbaycan arasındakı siyasi, iqtisadi və mədəni münasibətlər təcrübəsi Sizin fəal, səmərəli və daimi iştirakınız sayəsində genişlənəcəkdir.
İcazə verin, Sizə bütün işlərinizdə yeni-yeni yaradıcılıq uğurları və özünüzə, böyük, mehriban ailənizə cansağlığı arzulayım.
Gələcək səmərəli əməkdaşlıq ümidi ilə,
Mixail Şvıdkoy
Rusiya Federasiyasının mədəniyyət naziri
Moskva, 17 oktyabr 2003-cü il.
Bölmənin digər xəbərləri
