AZƏRBAYCAN RESPUBLİKASININ BAŞ NAZİRİ ZATİ-ALİLƏRİ CƏNAB İLHAM ƏLİYEVƏ
Prezident seçkilərində parlaq qələbəniz münasibətilə Sizi səmimi qəlbdən təbrik edirəm və demokratik Azərbaycanın lideri kimi məsul vəzifədə işinizdə Sizə uğurlar arzulayıram.
Qoy, ölkənizin tərəqqisi naminə, Azərbaycanın bütün ölkələr və xalqlarla dostluq və əməkdaşlığının möhkəmlənməsi naminə bütün nəcib təşəbbüslərdə müvəffəqiyyət Sizin qismətiniz olsun.
Bu yaxınlarda Bakıda keçirilən Rus mətbuatının ümumdünya konqresi zamanı Sizinlə şəxsi ünsiyyətimiz mənə çox dərin təsir bağışladı.
Əminəm ki, Siz bundan sonra da bütün qüvvənizi, enerjinizi, istedadınızın gücünü, bir şəxsiyyət kimi bacarığınızı Azərbaycan xalqının tərəqqisinə yönəldəcəksiniz.
Hörmətlə,
Vadim Rabinoviç
Rus Mətbuatı Ümumdünya Assosiasiyası
Naşirlər Şurasının sədri
Moskva, 17 oktyabr 2003-cü il.
Bölmənin digər xəbərləri
