AZƏRBAYCAN RESPUBLİKASININ DÖVLƏT NEFT ŞİRKƏTİNDƏ ABŞ DÖVLƏT KATİBİNİN BAŞ MÜŞAVİRİ İLƏ GÖRÜŞ

09.11.2006 [20:09]
Çap et
A⁺ A^-

Azərbaycan Respublikası Dövlət Neft Şirkətindən (ARDNŞ) AZƏRTAC-a bildirmişlər ki, noyabrın 9-da Şirkətin prezidenti Rövnəq Abdullayev ABŞ Dövlət katibinin iqtisadi məsələlərə dair baş müşaviri Frenk Mermud və ABŞ-ın ölkəmizdəki səfiri Ann Derslə görüşmüşdür. Frenk Mermud demişdir ki, ABŞ şirkətləri Dövlət Neft Şirkəti ilə əməkdaşlıqdan həmişə razılıq edirlər. O ümid etdiyini bildirmişdir ki, ARDNŞ burada işləyən ABŞ şirkətləri ilə əməkdaşlığı bundan sonra da davam etdirəcək və genişləndirəcəkdir. F.Mermud Abşeron yarımadasında neftlə çirklənmiş torpaqların təmizlənməsi üzrə ARDNŞ-də irimiqyaslı layihə hazırlandığı haqda məlumat aldığını qeyd edərək bunu yüksək qiymətləndirmişdir. O həmçinin, öz ölkəsində bu sahədə ən yeni texnologiyalarla işləyən ekoloji qurumların fəaliyyət göstərdiyini və ehtiyac olarsa, onların da həmin proqramın icrasına cəlb edilə biləcəklərini nəzərə çarpdırmışdır.

Rövnəq Abdullayev hazırda Milli Məclisdə müzakirəsi gedən büdcə layihəsi haqqında qonaqlara ətraflı məlumat vermiş və ARDNŞ-in qarşıdakı illərdə həyata keçirəcəyi layihələrdən söz açmışdır. O, Azərbaycanın neft sektorunda çalışan ABŞ şirkətləri ilə əlaqələrinin hər iki tərəf üçün səmərəli olduğunu qeyd etmiş və ARDNŞ-in həmin şirkətlərlə bundan sonra da əməkdaşlıq etmək niyyətini açıqlamışdır. Abşeron yarımadası və Bakı buxtasında neftlə çirklənmiş torpaqların təmizlənməsi, üzrə işlərin 2007-ci ildə başlanacağını bildirən ARDNŞ prezidenti, ABŞ səfirindən xahiş etmişdir ki, bu istiqamətdə fəaliyyət göstərən Amerika qurumlarının konkret təkliflərini şirkətin Ekologiya İdarəsinə təqdim etsinlər. Görüşdə hər iki tərəfi maraqlandıran digər məsələlərə də toxunulmuşdur.

AZƏRBAYCAN RESPUBLİKASININ DÖVLƏT NEFT ŞİRKƏTİNDƏ ABŞ DÖVLƏT KATİBİNİN BAŞ MÜŞAVİRİ İLƏ GÖRÜŞ

MÜƏLLİFLƏ ƏLAQƏ

Bölmənin digər xəbərləri