AZƏRBAYCAN RESPUBLİKASININ PREZİDENTİ HEYDƏR ƏLİYEVİN AMERİKA BİRLƏŞMİŞ ŞTATLARINA SƏFƏRİ
Xəbər verdiyimiz kimi, Azərbaycan Respublikasının Prezidenti Heydər Əliyev Dünya İqtisadi Forumunda iştirak etmək üçün yanvarın 30-da Nyu-Yorka gedərkən yolüstü İslandiyanın Keflavik şəhərində dayanmışdır.
Dövlətimizin başçısı Heydər Əliyev Keflavik şəhərinin hava limanının binasını gəzdi, müxtəlif xidmət bölmələrinin işi ilə maraqlandı.
Sonra Azərbaycan Prezidentinin təyyarəsi Keflavikdən Nyu-Yorka yola düşdü.
X X X
Azərbaycan Prezidenti Heydər Əliyev həmin gün axşam Nyu-Yorka gəldi. Dövlətimizin başçısını “Stuart” hərbi hava bazasında onun komandanı, ölkəmizin ABŞ-dakı səfiri Hafiz Paşayev, Azərbaycan Respublikasının BMT yanında daimi nümayəndəsi Yaşar Əliyev qarşıladılar.
Prezident Heydər Əliyev hərbi hava bazasından maşın karvanının müşayiəti ilə Nyu-Yorkda onun üçün ayrılmış iqamətgaha gəldi.
Bölmənin digər xəbərləri
