AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ
Cənab Prezident, Əziz dost,
Diplomatik münasibətlərimizin qurulmasının on illiyi münasibətilə Sizə bu dostluq salamımı ünvanlamaqdan çox şadam.
Tarixin təlatümləri ölkənizə onun müstəqilliyini qaytardıqdan bəri bu ildönümü ölkələrimizi birləşdirən əlaqələrin simvoluna çevrilmişdir. O zaman Fransa Azərbaycanın müstəqilliyini tanıyan ən ilk dövlətlərdən biri olmuşdu.
O vaxtdan bizim münasibətlərimiz hər sahədə inkişaf etməkdədir. Sizin ötən ilin əvvəllərində Parisə məhsuldar səfərləriniz, eləcə də 2001-ci ilin dekabrında keçirilən birgə iqtisadi komissiyanın uğuru ölkələrimiz arasındakı əlaqələrin keyfiyyətindən xəbər verir.
Bu məktubun yaratdığı imkandan istifadə edərək mən Sizin tezliklə sağalmağınızı və Bakıya dönərək Sizə xas olan dinamizmlə öz fəaliyyətinizi yenidən davam etdirməyinizi arzulayıram.
Cənab Prezident, Sizə böyük hörmət və ehtiramım olduğuna əmin ola bilərsiniz.
Dostluq hissləri ilə,
Fransa Respublikasının Prezidenti
Jak Şirak
Paris, 25 fevral 2002-ci il
Bölmənin digər xəbərləri
