AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Prezident seçilməyiniz münasibətilə yeni mühüm vəzifənizdə Sizə hər cür müvəffəqiyyətlər arzulayıram. Mən bizim uzunmüddətli əməkdaşlığımıza istinad etmək, demokratiyaya və qanunun aliliyinə, insan hüquqlarına tam hörmətin bərqərar olmasına keçid prosesində Avropa Şurasının Sizin ölkənizi dəstəkləmək öhdəliyini bir daha vurğulamaq istərdim.
Yeni yüksək vəzifəniz Sizə ölkənizdə demokratik dəyərləri bölüşdürən bütün siyasi qüvvələrlə fəal surətdə dialoq qurmaq imkanı verir. Hazırda müxalifət və media təmsilçilərinə qarşı həyata keçirilən sıxışdırma tədbirlərinə son qoymaq məqsədi ilə öz rolunuzdan dərhal istifadə edəcəyinizə ümid edirəm.
Siyasi adlandırılan məhbuslara dair hələ də açıq olan məsələlər Parlament Assambleyasında, Nazirlər Komitəsində və mənim özümdə narahatlığa səbəb olur. Bu problemə qənaətbəxş və davamlı bir həllin tapılması Azərbaycanın Avropa standartlarına daha da yaxınlaşdırılmasına yönəlmiş siyasi məramınızın nümayişi olardı.
Hörmətlə,
Valter Şvimmer
Avropa Şurasının baş katibi
Strasburq, 21 oktyabr 2003-cü il.
Bölmənin digər xəbərləri
