Azərbaycan şahmatçıları “Chennai Open 2013” turnirində iştirak edirlər
Bakı, 18 noyabr (AZƏRTAC). Hindistanın Çennay şəhərində şahmat üzrə dünya birinciliyi uğrunda matç ilə bərabər, “Chennai Open 2013” beynəlxalq turniri keçirilir. AZƏRTAC xəbər verir ki, Azərbaycanı turnirdə iki nümayəndə təmsil edir.
Beş turdan sonra açıq turnirdə Satoş Qujrati Vidit və Babu Lalit (hər ikisi Hindistan), habelə 4,5 xal toplayan Rusiya şahmatçısı Mixail Mojarov liderlik edirlər. Səkkiz şahmatçı, o cümlədən Azərbaycan qrossmeysteri Azər Mirzəyev liderdən yarım xal geri qalırlar. Azərbaycanın ikinci nümayəndəsi Bəhruz Rzayev 3 xal toplamışdır.
İsveçrə sistemi ilə 11 turda keçirilən turnirdə 17 ölkədən 118 şahmatçı iştirak edir.
Bölmənin digər xəbərləri
