AZƏRBAYCAN ŞAHMATÇILARI FİDE-NİN QRAN-PRİ TURNİRİNDƏ LİDERDİRLƏR
AZƏRTAC xəbər verir ki, Azərbaycan şahmatçısı Vüqar Həşimov Rusiyanın Elista şəhərində keçirilən FİDE-nin Qran-Pri turnirinin 5-ci turunda rusiyalı Aleksandr Qrişukla görüşünü qələbə ilə başa vurmuşdur.
Teymur Rəcəbov Peter Leko ilə, Şəhriyar Məmmədyarov isə keçmiş dünya çempionu Rüstəm Kasımcanovla heç-heçə etmişlər.
Digər qarşılaşmalarda aşağıdakı nəticələr qeydə alınmışdır: E.İnarkiyev-İ.Çeparinov - 0:1, P.Elyanov-V.Akopyan - 0,5:0,5, D.Yakovenko-E.Bakro - 0,5:0,5, Y.Alekseyev-Van Yu - 0,5:0,5.
Beş turdan sonra T.Rəcəbov və V.Həşimov (hərəyə 3,5 xal), D.Yakovenko 3 xal, A.Qrişuk, Ş.Məmmədyarov, V.Akopyan, Y.Alekseyev, E.Bakro, Van Yu, İ.Çeparinov (hərəyə 2,5 xal), P.Leko, P.Elyanov, E.İnarkiyev və R.Kasımcanov (hərəyə 1,5 xal ) toplamışlar.
Bölmənin digər xəbərləri
