AZƏRBAYCAN ŞAHMATÇILARININ TƏMSİL OLUNDUQLARI KLUBLAR AVROPA KUBOKUNA İDDİALIDIRLAR
Bakı, 10 oktyabr (AZƏRTAC). Makedoniyanın Oxrid şəhərində keçirilən şahmat üzrə 25-ci klublararası Avropa kuboku yarışlarında 6 tur arxada qalmışdır.
Bu tur çərçivəsində Şəhriyar Məmmədyarovun liderlik etdiyi Makedoniyanın “Alkaloid” və Rusiyanın “Ekonomist ” klubları qarşılaşmış, gərgin mübarizə şəraitində keçən görüşdə rusiyalı şahmatçılar 3,5:2,5 hesabı ilə qalib gəlmişlər.
Vüqar Həşimovun təmsil olunduğu İsrailin “Aşdod İllit” klubu isə Ukraynanın “PVK Kiyevchess” komandasını böyük üstünlüklə (4,5:1,5) məğlub etmişdir.
Beləliklə, son tur qarşısında “Ekonomist” 1-ci, “Aşdod İllit” 2-ci, “Alkaloid” isə 3-cü yerdə qərarlaşmışdır.
Əlli dörd şahmat klubunun iştirak etdiyi turnirə oktyabrın 10-da yekun vurulacaqdır.
Bölmənin digər xəbərləri
