AZƏRBAYCAN SƏFİRİ İSPANİYA KRALİÇASI İLƏ GÖRÜŞMÜŞDÜR
Qəbula görə təşəkkürünü bildirən səfir, Heydər Əliyev Fondunun prezidenti, Milli Məclisin deputatı, YUNESKO-nun xoşməramlı səfiri Mehriban xanım Əliyevanın salamlarını və xoş arzularını kraliçaya çatdırmışdır. Kraliça Sofiya Mehriban xanım Əliyeva ilə görüşdüklərini bildirərək, ona ən səmimi arzularını çatdırmağı səfirdən xahiş etmişdir.
Azərbaycanın sürətlə inkişaf edən iqtisadiyyatı, ölkəmizdə həyata keçirilən beynəlxalq əhəmiyyətli strateji enerji və nəqliyyat layihələri barədə kraliçaya məlumat verən səfir, Mehriban xanım Əliyevanın başçılıq etdiyi Heydər Əliyev Fondunun xeyriyyəçilik fəaliyyətindən, Azərbaycanda təhsilin, səhiyyənin, mədəniyyətin inkişafındakı rolundan danışmışdır.
Heydər Əliyev Fondunun fəaliyyətini çox yüksək qiymətləndirən kraliça Sofiya, rəhbəri olduğu Kraliça Sofiya Fondunun Heydər Əliyev Fondu ilə əməkdaşlığı barədə təklifi böyük məmnuniyyətlə qəbul etmişdir.
Azərbaycanın çox zəngin və gözəl bir ölkə olduğunu bildiyini qeyd edən kraliça, dövlətimizin başçısı İlham Əliyevin dəvəti ilə respublikamıza səfərə gəlmək istədiyini vurğulamışdır.
Bölmənin digər xəbərləri
