AZƏRBAYCAN SƏFİRİ KANADA PARLAMENTİNİN DEPUTATLARI İLƏ GÖRÜŞMÜŞDÜR
Səfirlikdən verilən məlumata görə, görüşdə F.Qurbanov Azərbaycanda müxtəlif istiqamətlərdə aparılan islahatlardan, inkişaf proseslərindən, xüsusən investisiya qoyuluşu üçün yaradılmış əlverişli şəraitdən söz açmış, irimiqyaslı regional enerji və nəqliyyat layihələrindən, qeyri-neft sektorunun inkişafı və bu sahəyə investisiya cəlb edilməsi ilə bağlı görülən tədbirlərdən danışmışdır.
F.Qurbanov diqqətə çatdırmışdır ki, Azərbaycan müstəqilliyini bərpa etdikdən sonra fəal xarici siyasət yürütməyə başlamış, ölkədə demokratik və hüquqi cəmiyyət qurulması sahəsində böyük uğurlar qazanılmışdır.
Ermənistan-Azərbaycan, Dağlıq Qarabağ münaqişəsinin tarixi, baş vermə səbəblərini izah edən səfir, Azərbaycanın ədalətli mövqeyini bəyan etmiş, münaqişənin sülh yolu ilə həlli istiqamətində danışıqlar prosesi barədə məlumat vermişdir.
Kanadalı deputatlar regionda təhlükəsizlik məsələləri, habelə Azərbaycanda demokratiyanın inkişafı, siyasi və iqtisadi vəziyyətlə maraqlanmışlar.
Bölmənin digər xəbərləri
