Azərbaycan son 30 ildə sürətlə inkişaf edən ölkələrdən biridir
Bakı, 11 may, AZƏRTAC
Ulu Öndər Heydər Əliyevin xalqımız qarşısında misilsiz xidmətləri var. Heydər Əliyev müstəqil Azərbaycan dövlətini qurarkən onun bir neçə xüsusi dəyərləri, hesab edirəm ki, indiki dünyanın qəbul etdiyi dəyərləri mənimsəməsi baxımından xüsusi əhəmiyyət kəsb edirdi.
AZƏRTAC xəbər verir ki, bu barədə Baş nazirin müavini Əli Əhmədov "Azərbaycanda BMT-nin İnkişaf Təşəbbüslərinin həyata keçirilməsində Heydər Əliyevin rolu" mövzusunda tədbirdə deyib.
"Heydər Əliyev böyük müdrikliyə və təcrübəyə malik olduğundan, öz ölkəsini qurarkən demokratiya yolunu təsadüfən seçməyib. Ümummilli Lider Heydər Əliyevin qarşıya qoyduğu əsas məqsədlərdən biri də Azərbaycanın beynəlxalq inteqrasiyasının təmin edilməsi idi. Azərbaycan BMT-nin bir sıra layihələrində yaxından iştirak edir. Hesab edirəm ki, bütün bunlar ölkəmizin hörmət və nüfuzunun, eləcə də iqtisadi potensialının artmasına töhfə verir. Azərbaycan son 30 ildə sürətlə inkişaf edən ölkələrdən biridir.
Heydər Əliyevin müəyyənləşdirdiyi yol bu gün də Azərbaycan cəmiyyətində qəbul edilir", - deyə Ə.Əhmədov qeyd edib.
Bölmənin digər xəbərləri
