AZƏRBAYCAN TARİXİ MUZEYİNƏ HƏDİYYƏ
Bu günlərdə Azərbaycan Tarixi Muzeyi gözəl bir hədiyyə - Quranın fransız dilində nəşr edilmiş və X1X əsrin sonlarında yaşayıb-yaratmış görkəmli Azərbaycan ziyalısı Əbülfət Şahtaxtinskinin avtoqrafı və möhürü olan nüsxəsini hədiyyə almışdır. Onu muzeyə Ə.Şahtaxtinskinin nəticələri Natalya və Nikolay Mdivanilər hədiyyə etmişlər.
Xatırladaq ki, Əbülfət Şahtaxtinski 1877-ci ildə Peterburqda oxumuşdur. Tələbə hərəkatında iştirakına görə institutdan çıxarılmış, lakin sonralar təhsilini Moskva Şərq Dilləri İnstitutunda davam etdirmişdir. Oranı bitirdikdən sonra Almaniyaya gedərək, Heydelberq Universitetinin Şərq fakültəsində təhsilini təkmilləşdirmişdir. Əbülfət Şahtaxtinski ədəbi aləmdə Hötenin “Gənc Verterin iztirabları” əsərinin ilk tərcüməçisi kimi də tanınır. Həmyerlimiz sonrakı taleyini hərbi xidmətlə bağlamış və polkovnik rütbəsinədək yüksəlmişdir.
Müqəddəs kitabımızın bu nüsxəsi muzeyin X1X əsr mədəniyyəti salonunda nümayiş etdiriləcəkdir.
Bölmənin digər xəbərləri
