Azərbaycan Turizm və Menecment Universitetində Xocalı faciəsi qurbanlarının xatirəsi anılıb
Bakı, 26 fevral, AZƏRTAC
Fevralın 26-da Azərbaycan Turizm və Menecment Universitetində (ATMU) “Heydər Əliyev” lektoriyasının təşkilatçılığı ilə Xocalı soyqırımının 24-cü ildönümünə həsr edilən anım tədbiri keçirilib.
Universitetdən AZƏRTAC-a bildirilib ki, ATMU-nun rektoru, professor Cəfər Cəfərov 1992-ci il fevralın 25-dən 26-na keçən gecə Xocalıda baş verən dəhşətli hadisələrdən danışıb. Bildirilib ki, bu kütləvi və amansız soyqırımı aktı təkcə azərbaycanlılara qarşı deyil, bütövlükdə insanlıq əleyhinə törədilmiş qəddar cinayətdir.
Anım tədbirləri çərçivəsində universitetin Kitabxana İnformasiya Mərkəzində Xocalıya həsr edilən kitablar sərgilənib, ATMU-MEDİA-da videoçarx nümayiş olunub.
Bölmənin digər xəbərləri
