AZƏRBAYCAN ÜZGÜÇÜLƏRİ AVROPA ÇEMPİONATINDA UĞURLA ÇIXIŞ ETMİŞLƏR
Bakı, 19 oktyabr (AZƏRTAC). İspaniyanın Palma-de-Mallyorka şəhərində Xüsusi Olimpiya proqramına uyğun olaraq üzgüçülük üzrə Avropa çempionatı keçirilmişdir.
Yarışda bir çox Avropa ölkələri ilə yanaşı, Azərbaycan Xüsusi Olimpiya Komitəsinin (AXOK) yığma komandası da iştirak etmişdir.
AXOK-dən bildirmişlər ki, komandamızın heyətində Sofya Huseynova 50 metr məsafəyə arxası üstə üzmə yarışlarında birinci, 100 metr məsafəyə sərbəst üsulla üzmə yarışlarında isə üçüncü yeri tutmuşdur.
Rəşad Axundov 50 metr məsafəyə batterflyay üsulu ilə yarışmasında qızıl medala layiq görülmüşdür. Gücünü 100 metr məsafəyə sərbəst üsulla üzmə yarışında da sınayan idmançımız bu dəfə gümüş medala sahib olmuşdur.
Bölmənin digər xəbərləri
