Azərbaycan və Argentina ədəbi əlaqələri istiqamətində ərsəyə gətirilmiş layihələr müzakirə olunub
Bakı, 7 fevral, AZƏRTAC
Argentinanın Azərbaycandakı səfiri Serxio Perez Gunella və səfirliyin mədəniyyət məsələləri üzrə müşaviri xanım Korina Lemann Dövlət Tərcümə Mərkəzində olub.
Tərcümə Mərkəzindən AZƏRTAC-a bildirilib ki, görüş zamanı Azərbaycan-Argentina ədəbi əlaqələri istiqamətində ərsəyə gətirilmiş nəşr layihələrindən söz açılıb, həyata keçirilməsi nəzərdə tutulan perspektiv tədbirlər və digər təşkilati məsələlər ətrafında fikir mübadiləsi aparılıb.
Görüşün sonunda Dövlət Tərcümə Mərkəzi və Argentina səfirliyinin birgə əməkdaşlığı ilə ərsəyə gətirilmiş “Tanqo rəqsi - azadlıq yanğısı” kitabı qonaqlara hədiyyə edilib.
Bölmənin digər xəbərləri
