AZƏRBAYCAN VƏ ESTONİYA GÖMRÜK XİDMƏTLƏRİ ARASINDA ƏMƏKDAŞLIQ GENİŞLƏNİR
Komitənin mətbuat xidmətindən AZƏRTAC-a verilən məlumata görə, görüşdə Azərbaycanla Estoniya arasında idxal-ixrac əməliyyatlarının 2002-ci ildəki 263,75 min dollardan bu ilin 8 ayında 1 milyon 888,80 min dollara çatdığı vurğulanmışdır. Hər iki ölkənin gömrük qurumları arasında əməkdaşlığın genişləndiyini diqqətə çatdıran komitə sədri, gələcəkdə bu əməkdaşlığın daha da inkişaf edəcəyinə əmin olduğunu söyləmiş, Azərbaycan və Estoniya hökumətləri arasında gömrük işi sahəsində imzalanmış sənədlərin əhəmiyyətini xüsusi qeyd etmişdir.
Mart Volmer görülən işləri yüksək qiymətləndirmiş və əmin olduğunu bildirmişdir ki, bu əlaqələr bundan sonra daha da intensivləşəcəkdir. O bu məqsəd üçün səfir kimi öz səlahiyyətlərindən istifadə edəcəyini diqqətə çatdırmışdır.
Görüşdə qarşılıqlı maraq doğuran bir sıra digər məsələlər müzakirə edilmişdir.
Bölmənin digər xəbərləri
