Azərbaycan və Qırğızıstan arasında sərnişin və yük daşımaları inkişaf etdiriləcək
Bakı, 17 sentyabr, AZƏRTAC
Milli Məclisin İqtisadi siyasət, sənaye və sahibkarlıq komitəsinin bugünkü iclasında Azərbaycan və Qırğızıstan arasında beynəlxalq avtomobil əlaqələri haqqında sazişin təsdiq edilməsi barədə qanun layihəsi müzakirəyə çıxarılıb.
AZƏRTAC xəbər verir ki, 2026-cı iyulun 31-də Çolpon-Atada imzalanan saziş iki ölkə arasında sərnişin və yük daşımalarının, həmçinin tranzit əlaqələrinin inkişafını və daşıma şərtlərinin sadələşdirilməsini nəzərdə tutur.
Sənədə əsasən, beynəlxalq sərnişin və yük daşımaları müəyyən edilmiş icazə və prosedurlar əsasında həyata keçiriləcək. Ağır xəstələrin, müntəzəm sərnişinlərin, heyvanların və tez xarab olan yüklərin daşınması zamanı sərhəd və digər nəzarət tədbirlərinin prioritet qaydada aparılması nəzərdə tutulur.
Sazişin icrası və yaranan məsələlərin həlli məqsədilə Azərbaycan və Qırğızıstanın iştirakı ilə Qarışıq Komissiyanın yaradılması da planlaşdırılır.
Fotoqraf – Aydın Məmmədov
Bölmənin digər xəbərləri
