® “Ziraat Bank Azərbaycan” enerji effektivliyi layihələri üçün güzəştli maliyyələşməyə başlayıb!
Bank Enerji Məsələlərini Tənzimləmə Agentliyi (EMTA) ilə cari ilin aprel ayında imzalanmış strateji əməkdaşlıq müqaviləsi çərçivəsində Enerji Effektivliyi Fondunun vəsaiti hesabına güzəştli kreditlərin verilməsinə başlayıb. Tərəfdaşlıq üzrə zəruri hüquqi və institusional hazırlıqların tamamlanmasından sonra maliyyələşmə mexanizmi artıq həm fiziki şəxslər, həm də biznes müştəriləri üçün əlçatandır.
Yeni kredit imkanının əsas məqsədi enerji resurslarından daha səmərəli istifadənin təşviqi, enerjiyə qənaət edən müasir texnologiyaların tətbiqinin genişləndirilməsi və ətraf mühitə müsbət təsir göstərən layihələrin maliyyə baxımından dəstəklənməsidir.
Maliyyələşmə fərdi sahibkarların, kiçik və orta biznes subyektlərinin, eləcə də enerji effektivliyini artırmaq istəyən fiziki şəxslərin ehtiyacları nəzərə alınmaqla təqdim olunur. Bununla müştərilər enerji istehlakını və xərclərini optimallaşdırmaq, daha səmərəli texnologiyalara keçid etmək və uzunmüddətli resurs qənaəti əldə etmək imkanı qazanırlar.
“Ziraat Bank Azərbaycan” və EMTA arasında qurulan əməkdaşlıq ölkədə yaşıl iqtisadiyyatın inkişafının təşviqinə, enerji effektivliyi üzrə milli hədəflərin dəstəklənməsinə və ekoloji dayanıqlılığın gücləndirilməsinə xidmət edir. Yeni maliyyələşmə mexanizminin istifadəyə verilməsi eyni zamanda Bankın yaşıl bankçılıq və sosial məsuliyyət istiqamətində həyata keçirdiyi təşəbbüslərin davamıdır.
“Ziraat Bank Azərbaycan” ASC 162 illik tarixə malik Türkiyə Respublikasının “Ziraat Maliyyə Qrupu”nun üzvüdür. Bank Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir.
Korporativ və pərakəndə bankçılıq sahəsində müasir məhsul və xidmətlər təqdim edən Ziraat Bank Azərbaycan Bakı, Gəncə, Sumqayıt və Naxçıvan şəhərlərində yerləşən 11 filialı, Quba şəhərində fəaliyyət göstərən 1 şöbəsi, eləcə də rəqəmsal platformaları vasitəsilə müştərilərinə xidmət göstərir.
Bankın məhsul və xidmətləri barədə daha ətraflı məlumatı Ziraat Bank Azərbaycanın Instagram, X, LinkedIn və YouTube sosial media hesablarından, həmçinin *9229 qısa nömrəsinə zəng edərək əldə edə bilərsiniz.
Bölmənin digər xəbərləri
