Yəhya Bakuvi Beynəlxalq Konfransının iştirakçıları Ağdam Şəhidlər xiyabanını ziyarət ediblər
Ağdam, 16 sentyabr, AZƏRTAC
Türk Dövlətləri Təşkilatının (TDT) müsəlman dini idarə rəhbərləri Şurasının 7-ci görüşü çərçivəsində İslam dünyasının mötəbər mütəfəkkiri, görkəmli azərbaycanlı alim, ilahiyyatçı filosof Şeyx Seyid Yəhya Bakuvi Şirvaniyə həsr olunmuş beynəlxalq elmi-praktiki konfransın iştirakçıları Ağdam şəhərindəki Şəhidlər xiyabanını ziyarət ediblər.
AZƏRTAC-ın bölgə müxbiri xəbər verir ki, onlara Şəhidlər xiyabanı haqqında məlumat verilib.
Bildirilib ki, Ağdam Şəhidlər xiyabanında Birinci Qarabağ müharibəsində şəhid olan qəhrəman Vətən övladları, o cümlədən Xocalı soyqırımında öldürülən şəhər sakinlərinin bir hissəsi dəfn edilib.
Qeyd olunub ki, Şəhidlər xiyabanındakı qəbirlər işğal dövründə vandalizmə məruz qalıb.
Konfrans iştirakçıları şəhidlərin ruhuna dualar oxuyublar.
Müxbir - Tahir Ağaməmmədov
Bölmənin digər xəbərləri
