Azərbaycan WFEG-in birinci nazirlər iclasında təmsil olunacaq
Bakı, 5 noyabr, AZƏRTAC
Energetika naziri Pərviz Şahbazov İtaliyaya səfər edib.
Nazirlikdən AZƏRTAC-a bildirilib ki, nazir noyabrın 6-da Roma şəhərində keçiriləcək Atom Enerjisi üzrə Beynəlxalq Agentliyin (AEBA) Ümumdünya Termo Nüvə Enerjisi Qrupunun (World Fusion Energy Group–WFEG) birinci nazirlər iclasında iştirak edəcək.
İtaliyanın Baş naziri Giorgia Meloni və AEBA-nın baş direktoru Rafael Mariano Qrossinin həmsədrlik edəcəyi tədbirdə termo nüvə enerjisini inkişaf etdirmək üçün inklüziv və qlobal yanaşmanın mənimsənilməsi, WFEG çərçivəsində qlobal səylərin təşviqinə dair fikir mübadiləsi aparılacaq.
Tədbir çərçivəsində energetika nazirinin çıxışı və ikitərəfli görüşlərin keçirilməsi nəzərdə tutulur.
Bölmənin digər xəbərləri
