“AZƏRBAYCANA XOŞ GƏLMİSİNİZ”
Respublika Gənclər, İdman və Turizm Nazirliyinin sifarişi ilə Azərbaycanda ilk dəfə ingilis və rus dillərində nəfis tərtibatla nəşr olunmuş zəngin illüstrasiyalı məlumat-sorğu kataloqu belə adlanır: “Azərbaycana xoş gəlmisiniz”. Nazirlikdən AZƏRTAC-ın müxbirinə bildirmişlər ki, kataloq noyabrın əvvəllərində Londonda keçirilən “Dünya turizm bazarı” sərgisində təqdim və nümayiş edilmiş, iştirakçılar tərəfindən maraqla qarşılanmışdır.
Kataloqda Azərbaycanın qədim tarixi, məşhur memarlıq abidələri, zəngin milli ənənələri, səfalı və şəfalı istirahət guşələri, turizm infrastrukturu, müasir tipli hotelləri barədə rəngarəng fotoşəkillərin müşayiəti ilə ətraflı məlumat verilmişdir ki, bu da, şübhəsiz, əcnəbi qonaqlar, iş adamları və turistlər üçün maraqlı olacaqdır. Burada Azərbaycanda fəaliyyət göstərən diplomatik korpus, xarici və yerli şirkətlər, beynəlxalq nümayəndəliklər, banklar, nəqliyyat arteriyası və s. haqqında da geniş məlumat vardır.
Məlumat - sorğu kataloqu ilə maraqlananlar onu “AzərOlimpik İntənəşnl” şirkətindən ala bilərlər.
Bölmənin digər xəbərləri
