Azərbaycanda daha iki futbolçu koronavirusa yoluxub
Bakı, 23 noyabr, AZƏRTAC
Azərbaycanda daha iki futbolçu koronavirusa yoluxub.
AZƏRTAC xəbər verir ki, bunlardan biri “Neftçi”nin üzvü Mirabdulla Abbasovdur. Forvardın yoluxması barədə xəbəri “Neftçi”nin baş məşqçisi Samir Abasov verib. Onun sözlərinə görə futbolçudan “Qəbələ” ilə oyundan öncə götürülən testin nəticələri müsbət çıxıb. Hazırda təcrid olunan Mirabdulla Abbasov müalicəsini davam etdirir. Bir müddət öncə “Neftçi”nin kapitanı Emin Mahmudov da koronavirusa yoluxmuşdu.
“Keşlə”nin futbolçusu Vüsal İsgəndərli də koronavirusa yoluxub. Millinin düşərgəsindən qayıtdıqdan sonra test verən hücumçunun nəticəsi pozitiv olub. Xəstəliyi simptomsuz keçirən V.İsgəndərli hazırda karantinə alınıb.
Bölmənin digər xəbərləri
