AZƏRBAYCANDA GƏNCLƏRİN İNSAN HÜQUQLARIŞƏBƏKƏSİ YARADILDI
AZƏRTAC-ın müxbiri xəbər verir ki, Şəbəkənin yaradılmasından əsas məqsəd Azərbaycanda insan hüquqları və demokratikləşmə sahəsində aparılan islahatlara təkan vermək üçün gənclərin səylərini səfərbər etmək, onların işini əlaqələndirib GİHŞ-də birləşdirməkdir. Şəbəkə ABŞ-ın ölkəmizdəki səfirliyinin maliyyə dəstəyi ilə yaradılır və onun Bakıda və Azərbaycanın digər 5 bölgəsində - Şəki, Lənkəran, İsmayıllı, Xaçmaz və Mingəçevirdə dayaq məntəqələri olacaqdır. GİHŞ özünün İnternet səhifəsini və İnternet informasiya şəbəkəsini yaradacaq, aylıq elektron informasiya bülleteni hazırlayıb yayacaq, qəzet və jurnalını nəşr edəcəkdir. Bunlarla yanaşı, insan hüquqları və demokratikləşmə sahəsində tədqiqatlar aparılacaqdır.
Tədbirdə Konstitusiya Məhkəməsinin, Gənclər, İdman və Turizm Nazirliyinin, Ombudsman Aparatının, ABŞ səfirliyinin, Avropa Şurasının Azərbaycandakı təmsilçiliyinin, gənclər və hüquq müdafiə təşkilatlarının nümayəndələri iştirak edirdilər.
Bölmənin digər xəbərləri
