AZƏRBAYCANDA İDMAN-SAĞLAMLIQ OBYEKTLƏRİNİN TİKİNTİSİ DAVAM EDİR

10.10.2009 [10:59]
Çap et
A⁺ A^-

Bakı, 10 oktyabr (AZƏRTAC). Respublikanın hərtərəfli inkişafı üçün idman potensialının gücləndirilməsi böyük əhəmiyyət daşıyır. Həyata keçirilən gənclər siyasətində əsas istiqamət gənclərin sağlamlığının qorunması və fiziki inkişafının artırılmasıdır.

Hazırda idman sahəsində “Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı” üzrə lazımi işlər görülür. Hazırlanmış tədbirlər planına əsasən, paytaxt da daxil olmaqla, 47 şəhər və rayonda idman-sağlamlıq obyektlərinin tikintisi və müasir avadanlıqla təchiz edilməsi nəzərdə tutulmuşdur.

Ümumiyyətlə, indiyədək ölkəmizin regionlarında 18 müasir olimpiya kompleksi istifadəyə verilmişdir. Hazırda 15 kompleksin inşası davam etdirilir.