Azərbaycanda “STiS” beynəlxalq forumu keçiriləcək
Bakı, 31 yanvar, AZƏRTAC
Aprelin 12-15-də Qəbələdə "STiS" - işıqkeçirən şəffaf qoruyucu istehsalçılarının beynəlxalq forumu keçiriləcək.
AZƏRTAC forumun saytına istinadla xəbər verir ki, tədbirə Rusiya və MDB-də pəncərə və şüşə istehsalı ilə məşğul olan 250 iştirakçı qatılacaq. Tədbir iştirakçıları forum çərçivəsində Azərbaycan mədəniyyəti ilə də tanış olacaqlar.
Qeyd edək ki, 15 il ərzində forum Çexiya, Almaniya, Niderland, Portuqaliya, İspaniya, Türkiyə, İtaliya, Avstriya, Gürcüstan və digər ölkələrdə təşkil olunub. "STiS" forumu 2005-ci ildən iri müəssisələrin pəncərə və şüşə sahələri sahiblərini, top-menecerləri, o cümlədən Rusiya, Belarus, Gürcüstan, Qazaxıstan, Özbəkistan, Azərbaycan, Ukrayna, Polşa, Finlandiyanın daşınmaz əmlak və investisiya strukturları bazarının nüfuzlu nümayəndələrini özündə birləşdirir.
Bölmənin digər xəbərləri
