AZƏRBAYCANDAN AMERİKAYA BİRBAŞA AVİAREYS AÇILACAQDIR
AZƏRTAC xəbər verir ki, “Azərbaycan Hava Yolları” Qapalı Səhmdar Cəmiyyəti 2010-cu ilədək Amerika qitəsinə birbaşa aviareys açmaq niyyətindədir. Bunu Dövlət Mülki Aviasiya Administrasiyasının (DMAA) direktoru Arif Məmmədov bildirmişdir.
2009-2010-cu illərdə Azərbaycana MDB məkanında oxşarı olmayan yeni “Boeing-737” və “Boeing-787 Dream Liner” avialaynerlərinin gətiriləcəyini qeyd edən DMAA direktoru, bundan sonra ABŞ-a birbaşa uçuşların təşkil olunacağını demişdir.
“Azərbaycan Hava Yolları” QSC və “Boeing” şirkəti arasında 2007-ci ilin fevralında “Boeing” təyyarələrinin alınmasına dair saziş imzalanmışdır. “Boeing-737” gələn ilin fevralında, “Boeing-787 Dream Liner” isə 2009-cu ilin aprel-mayında Azərbaycana gətiriləcəkdir.
Bölmənin digər xəbərləri
