AZƏRBAYCANIN CÜDO ÜZRƏ YIĞMA KOMANDASI QAZAXISTANDA TƏLİM–MƏŞQ TOPLANIŞINDA İŞTİRAK EDƏCƏKDİR
AZƏRTAC xəbər verir ki, Azərbaycanın cüdo üzrə yığma komandası Pekin Olimpiadasına hazırlığın son mərhələsinə başlamışdır.
Bu məqsədlə baş məşqçi Ağayar Axundzadənin rəhbərlik etdiyi Azərbaycan yığması iyulun 29-da Qazaxıstana yola düşəcəkdir. Yığma komandanın heyətində Kifayət Qasımova (57 kq), Ramil Qasımov (66 kq), Elnur Məmmədli (73 kq), Mehman Əzizov (81 kq), Elxan Məmmədov (90 kq) və Mövlud Mirəliyev (100 kq) yer alacaqlar.
Cüdoçularımız orada digər ölkələrin təmsilçiləri ilə birlikdə bir həftəyədək hazırlıq prosesi keçəcəklər. Toplanışlardan sonra Azərbaycan cüdoçuları avqustun 5-də Almatıdan Pekinə yollanacaqlar. Cüdoçularımız Olimpiya Oyunlarında mübarizəyə avqustun 10-da qoşulacaqlar.
Bölmənin digər xəbərləri
