Bakı, 7 noyabr (AZƏRTAC). Azərbaycanın “Qəbələ” futbol klubunun baş məşqçisi Yuri Semin Rusiyanın “Volqa” klubunun hücumçusu Dmitri Bulıkini öz komandasına dəvət edir.

AZƏRTAC xəbər verir ki, klubun rəhbəri və futbolçu ilk dəfə 1989-cu ildə “Lokomotiv” komandasında birlikdə çalışmışlar. Həmin vaxt məşqçi forvardı komandanın əvəzedici heyətindən əsas heyətə keçirmişdir.

D.Bulıkin hələlik dəvətə dəqiq cavab verməmişdir. Artıq Nijni Novqorod şəhərinin komandası ümidləri doğrultmayan futbolçu ilə vaxtından əvvəl vidalaşmaq istəyini bildirmişdir. Buna görə də, D.Bulıkin “Qəbələ”yə ödənişsiz keçə bilər.

Y.Semin qış transfer pəncərəsində Azərbaycan klubunu Rusiya yığma komandasının bir neçə keçmiş oyunçusu hesabına gücləndirməyi də nəzərdə tutur.