Azərbaycanın smartfon bazarında “Windows Phone” qurğularının payı on faiz təşkil edir
Bakı, 21 noyabr (AZƏRTAC). Azərbaycanın mobil qurğular və smartfonlar bazarına gələn il “Microsoft” şirkətinin yeni smartfonları təqdim ediləcəkdir.
Hazırda yerli bazarda “Microsoft”un buraxdığı “Windows Phone” qurğuları müəyyən populyarlıq əldə etmişdir.
Bildirilir ki, qısa müddət ərzində bu qurğulara olan maraq artmış və hazırda yerli bazarda “Windows Phone” istifadəçilərinin sayı ümumi smartfon bazarının 10 faizini təşkil edir.
Analitiklərin araşdırmalarının nəticələrinə əsasən 2013-cü ilin iyul-sentyabr aylarında “Windows Phone” mobil əməliyyat sistemi Avropa ölkələrində mövqeyini gücləndirmişdir. “Microsoft”un platforması İtaliyada “iOS” platformasını ötməyə müvəffəq olmuşdur. Analitiklərin sözlərinə görə, “Windows Phone” mobil əməliyyat sisteminin uğur qazanması “Nokia” məhsullarının satış həcminin yaxşı olması ilə bağlıdır.
Bölmənin digər xəbərləri
