AZƏRBAYCANIN TƏCRÜBƏSİ QIRĞIZISTANDA TƏTBİQ OLUNACAQDIR
AZƏRTAC xəbər verir ki, Qırğızıstan Milli Bankının nümayəndə heyəti Azərbaycan Milli Bankında yaradılmış ödəniş sistemləri ilə, xüsusilə Xırda ödənişlər üzrə hesablaşma klirinq sisteminin (XÖHKS) fəaliyyəti ilə əyani tanış olmuş, Milli Bankın ödəniş sistemləri və informasiya texnologiyaları, təhlükəsizlik və hesablaşmalar departamentlərinin mütəxəssisləri ilə təcrübə mübadiləsi aparmışlar. Bu münasibətlə Qırğızıstan Milli Bankının sədri Ulan Sarbanovun azərbaycanlı həmkarı Elman Rüstəmova göndərdiyi təşəkkür məktubunda təcrübə mübadiləsi sahəsində göstərilən köməyin faydalı olduğu bildirilir. Məktubda deyilir ki, ödəniş sistemləri sahəsində Milli Bankın təqdim etdiyi məlumatlar, qırğızıstanlı bankirlərin əldə etdiyi biliklər çox səmərə verəcəkdir. Azərbaycan Milli Bankının əməkdaşları yüksək peşəkarlığa malikdirlər.
Bölmənin digər xəbərləri
