Azərbaycanlı deputatlar Zəfər Günü münasibətilə Gürcüstan və Litvada keçiriləcək tədbirlərdə iştirak edəcəklər
Bakı, 3 noyabr, AZƏRTAC
Azərbaycanın Gürcüstandakı və Litvadakı səfirliklərinin təşkilatçılığı ilə Tbilisi və Litva şəhərlərində Zəfər Gününə həsr edilmiş tədbir təşkil ediləcək.
Parlamentin Mətbuat və ictimaiyyətlə əlaqələr şöbəsindən AZƏRTAC-a bildirilib ki, tədbirdə Azərbaycan xalqının tarixinə qızıl hərflərlə yazılan Zəfər Günü anılacaq. Həmçinin Prezident, Ali Baş Komandan İlham Əliyevin rəhbərliyi ilə rəşadətli Azərbaycan Ordusunun 44 günlük Vətən müharibəsi ilə torpaqlarımızı işğaldan azad edərkən şəhid olmuş Vətən övladlarının əziz xatirəsi ehtiramla yad ediləcək.
Milli Məclisin deputatlarından Azər Kərimli və Elnur Allahverdiyev Litvanın Vilnüs şəhərində, Arzu Nağıyev isə Tbilisi şəhərində təşkil olunan tədbirdə iştirak edəcəklər.
Bölmənin digər xəbərləri
