Azərbaycanlı hakim “Benfika”-“Beloqore” oyununa təyinat alıb
Bakı, 12 fevral, AZƏRTAC
Azərbaycanlı hakim Fikrət Axundov kişi voleybol komandaları arasında Avropa Voleybol Konfederasiyası (CEV) kuboku yarışlarına təyinat alıb.
AZƏRTAC CEV-ə istinadla xəbər verir ki, təmsilçimiz turnirin dörddəbir final mərhələsinin cavab oyunları çərçivəsində keçiriləcək “Benfika” (Portuqaliya)-“Beloqore” (Rusiya) qarşılaşmasında ikinci hakim funksiyasını yerinə yetirəcək. Görüşün baş hakimi bolqarıstanlı MartinYanakiev olacaq.
Oyun fevralın 13-də Portuqaliyanın paytaxtı Lissabon şəhərindəki “Sports Hall Benfika” Arenada keçiriləcək.
Qeyd edək ki, komandalar arasında Rusiyada təşkil olunan ilk oyunda “Beloqore” qələbə qazanıb - 3:0.
Bölmənin digər xəbərləri
