Azərbaycanlı tələbə: Hər kəs qürurlu, əmin addımlarla seçkiyə gəlirdi
İstanbul, 7 fevral, AZƏRTAC
Bu gün Azərbaycanın ərazi bütövlüyü təmin olunduqdan sonra keçirilən ilk seçkidə iştirak etmənin sevincini yaşadıq. Qələbə hissi seçki məntəqəsində də hiss edilirdi. Hər kəs qürurlu, əmin addımlarla seçkiyə gəlirdi.
Bu sözləri AZƏRTAC-a müsahibəsində Türkiyənin Yıldız Teknik Universitetinin tələbəsi, həmyerlimiz Altay Mirzəliyev bildirib.
Bir azərbaycanlı olaraq seçkidə iştirak etməyi özünə borc bildiyini vurğulayan Altay deyib: “Təhsilimizi bitirdikdən sonra Vətənimizin gələcəyi uğrunda atılacaq hələ çox addımda biz gənclər də iştirak edəcəyik. Azərbaycan son illər çox böyük tarix yazdı. Vətən müharibəsi və Zəfərimiz hər birimizin qürur mənbəyidir. Bu, qürurverici hadisələrdən sonra biz də layiqincə öz seçimimizi etdik”.
Bölmənin digər xəbərləri
