“AZƏRENERJİ”NİN GÖTÜRÜLMÜŞ KREDİTLƏR ÜZRƏ NÖVBƏTİ ÖDƏNİŞİ
“Azərenerji” səhmdar cəmiyyəti Yenikənd SES-in tikintisinin başa çatdırılması üzrə layihəni həyata keçirmək üçün dövlət təminatı ilə Avropa Yenidənqurma və İnkişaf Bankından aldığı kreditin 15 milyard manatını may ayında ödəmişdir. SC-nin mətbuat mərkəzindən AZƏRTAC-ın müxbirinə bu barədə xəbər verərək bildirmişlər ki, 1994-cü ilin dekabrında Azərbaycan həmin SES-in tikintisi üçün 53,24 milyon dollar kredit ayrılması barədə bu bankla saziş imzalamışdı.
Yenikənd SES-də hər birinin gücü 37,5 MVt olan üç aqreqat quraşdırılmışdır. Hazırda dördüncü aqreqat quraşdırılır.
Bu il səhmdar cəmiyyəti götürdüyü bütün kreditlər üzrə 27 milyon dollar ödəməlidir.
Bölmənin digər xəbərləri
