“AZERFON” ROUMİNQ TƏRƏFDAŞLARI HAQQINDA ERMƏNİSTANIN YAYDIĞI YALAN MƏLUMATI AŞKAR ETMİŞDİR
“Azerfon” MMC (“Nar Mobile” ticarət nişanı) bu yaxınlarda mobil rabitə operatorları haqqında məlumatları əks etdirən www.gsmworld.com internet saytında özünün rouminq tərəfdaşları haqqında yalan məlumatı aşkarlamışdır.
Şirkətdən AZƏRTAC-a bildirmişlər ki, Ermənistanın mobil operatorlarından biri guya “Nar Mobile” ilə rouminq razılaşması əldə etdiyi barədə saxta məlumatlar yaymışdır.
“Azerfon” MMC artıq GSM world təşkilatının ABŞ və Böyük Britaniyada yerləşən ofislərinə rəsmi şikayət məktubu göndərmişdir. Saytın rəhbərliyi məktuba cavabında bildirmişdir ki, yanlış məlumat qısa müddət ərzində aradan qaldırılacaqdır. Hazırda istənilən şəxs GSM assosiasiyasının rəsmi İnternet səhifəsində “Nar Mobile” şəbəkəsinin mövcud rouminq razılaşmaları haqqında düzgün xəbər və yenilikləri izləyə bilər: http://www.gsmworld.com/roaming/gsminfo/roa_azaf.shtml.
Bölmənin digər xəbərləri
