“Azeri Retail” MMC-də yol verilmiş qanun pozuntuları ilə bağlı cinayət işi başlanmışdır
Bakı, 23 noyabr (AZƏRTAC). “Azeri Retail” Məhdud Məsuliyyətli Cəmiyyətinin “Səbət” marketlər şəbəkəsində yol verilmiş qanun pozuntuları barədə həmin cəmiyyətdən daxil olmuş materiallar Baş Prokuror yanında Korrupsiyaya Qarşı Mübarizə İdarəsində araşdırılmışdır.
Araşdırmalar zamanı cəmiyyətin “Səbət” marketlər şəbəkəsinin müdiri vəzifəsində işləmiş Seymur Məmmədovun və Rac Heydərovun həmin vəzifədə işlədikləri müddətdə vəzifə səlahiyyətlərindən qulluq mənafeyinə zidd olaraq istifadə etməklə maddi məsuliyyətlərinə verilmiş malların satışından əldə edilən 102 min 973 manat məbləğində vəsaiti mənimsəyərək MMC-yə külli miqdarda ziyan vurmalarında əsaslı şübhələr olduğundan, fakta görə Cinayət Məcəlləsinin 179.3.2-ci (mənimsəmə və ya israf etmə) maddəsi ilə cinayət işi başlanmışdır.
Baş Prokurorluğun mətbuat xidmətindən AZƏRTAC-a bildirmişlər ki, hazırda iş üzrə istintaq davam etdirilir.
Bölmənin digər xəbərləri
