“Azəriqaz” İstehsalat Birliyi sutka ərzində 38 milyon kubmetr təbii qaz qəbul edib
Bakı, 25 dekabr, AZƏRTAC
Son sutkada “Azəriqaz” İstehsalat Birliyi 38 milyon kubmetr təbii qaz qəbul edib.
AZƏRTAC xəbər verir ki, bu barədə birliyin baş direktoru Ruslan Əliyev deyib.
Baş direktorun sözlərinə görə, bu da ötən ilki həcmlə müqayisədə eynidir. “Qəbul edilən təbii qazın 29 milyon kubmetri əhali abonentlərinə, digər həcmlər isə qeyri-əhali və sənaye üzrə verilib. Bu ilin dekabr ayı ötən ilin eyni dövrü ilə müqayisədə daha xoş keçib. Son 23 gündə keçən ilin eyni dövrü ilə müqayisədə əhali üzrə 90 milyon kubmetr az, ancaq qeyri-əhali üzrə ötən ilin dekabr ayına nisbətən 30 milyon artıq qaz qəbul etmişik”, - deyə Ruslan Əliyev qeyd edib.
Bölmənin digər xəbərləri
