“Azəriqaz” İstehsalat Birliyində növbəti “açıq mətbuat saatı” keçiriləcəkdir
Bakı, 12 may (AZƏRTAC). Mayın 13-də saat 12.00-dan 13.00-dək Azərbaycan Respublikası Dövlət Neft Şirkətinin “Azəriqaz” İstehsalat Birliyində (İB) növbəti “açıq mətbuat saatı” keçiriləcəkdir.
Şirkətin mətbuat xidmətindən AZƏRTAC-a bildirmişlər ki, “açıq mətbuat saatı”nda İB-nin rejimlərə nəzarət və mərkəzi dispetçer şöbəsinin mühəndisi Rasim Əhmədov qaz sərfiyyatının və təzyiqinin idarə edilməsi, təbii qazdan istifadə zamanı yarana biləcək arzuolunmaz hadisələr barədə məlumatların qəbulu (104 nömrəli qaynar xətt), qəbul edilmiş məlumatların operativ həll edilməsi və işlərin təşkili ilə bağlı, o cümlədən əhali kateqoriyasından olan abunəçiləri narahat edən digər sualları cavablandıracaqdır.
Göstərilən müddətdə kütləvi informasiya vasitələrinin nümayəndələri 490-54-33 və 490-54-24 nömrəli telefonlarla əlaqə saxlayaraq mövzu ilə bağlı suallarına cavab ala bilərlər.
Bölmənin digər xəbərləri
